"O‘zbekkosmos" agentligida "Yosh fermerlarni qo‘llab-quvvatlash kuni" tadbiri tashkil etildi
2026-07-23 16:45:00 / Yangiliklar
Tadbir doirasida qishloq xo‘jaligi sohasida amalga oshirilayotgan ishlar hamda istiqboldagi loyihalar yuzasidan taqdimot o‘tkazildi.
Ishtirokchilarga zamonaviy kosmik texnologiyalar va geoaxborot tizimlarining qishloq xo‘jaligida qo‘llanilishi, ushbu yo‘nalishdagi yangi imkoniyatlar haqida batafsil ma’lumot berildi.
Shuningdek, taqdimot davomida yerdan foydalanish huquqi, qishloq xo‘jaligi uchun ajratilayotgan kreditlar hamda subsidiyalarni olish tartiblari bo‘yicha muhim mavzular yoritilib, ishtirokchilarni qiziqtirgan savollarga mutaxassislar tomonidan atroflicha javob berildi.
Mazkur tadbir yosh fermerlarning bilim va ko‘nikmalarini oshirish, ularni zamonaviy texnologiyalarni amaliyotga joriy etishga rag‘batlantirish hamda qishloq xo‘jaligini innovatsion rivojlantirishga xizmat qiladi.