Qashqadaryoda aerokosmik texnologiyalarni joriy etish imkoniyatlari ko‘rib chiqildi
2026-06-28 12:40:00 / Yangiliklar
“O‘zbekkosmos” agentligida Qashqadaryo viloyati va tumanlar hokimlarining raqamli texnologiyalar hamda sun’iy intellekt texnologiyalarini rivojlantirish bo‘yicha maslahatchilari bilan ishchi uchrashuv o‘tkazildi.
Mazkur tadbir aerokosmik texnologiyalarni joriy etish orqali iqtisodiyot tarmoqlaridagi muammolarni aniqlash hamda ularni bartaraf etish imkoniyatlari bilan tanishtirish maqsadida tashkil etildi.
Uchrashuv davomida “O‘zbekkosmos” agentligida sohalar kesimida amalga oshirilayotgan ishlar bo‘yicha ma’lumot berib o‘tildi. Jumladan, agentlikning SGM platformasida qishloq xo‘jaligi (ekin turlari), suv xo‘jaligi (suv iste’moli hajmi), geologiya (noqonuniy noruda qazilmalar), ekologiya (dala yong‘ini) hamda yer munosabatlari (noqonuniy qurilishlar) sohasida amalga oshirilayotgan ishlar taqdimoti o‘tkazildi.
Shu bilan birga, tadbirda sohada mavjud muammolar muhokama qilindi hamda ishtirokchilarni qiziqtirgan savollarga batafsil javoblar berildi.