O'zbekkosmos agentligi Raqamli texnologiyalar vazirligi bilan hamkorlikda buyuk davlat arbobi, sarkarda va ilm-fan homiysi sohibqiron Amir Temur tavalludiga 690 yilligiga bag'ishlab ma'rifiy tadbir o'tkazdi
2026-04-09 14:30:00 / Yangiliklar
O'zbekkosmos agentligi Raqamli texnologiyalar vazirligi bilan hamkorlikda buyuk davlat arbobi, sarkarda va ilm-fan homiysi sohibqiron Amir Temur tavalludiga 690 yilligiga bag'ishlab ma'rifiy tadbir o'tkazdi.
Unda O‘zbekiston xalq yozuvchisi, shoir, tarjimon va olim Muhammad Ali qalamiga mansub Sohibqiron Amir Temurning bolalik chog‘idan to yigitlik davrigacha bo‘lgan hayot yo‘li jonlantirilgan “Temurbek” nomli kitobi taqdimoti bo‘lib o‘tdi.
Tadbirda mazkur asar muallifi O‘zbekiston xalq yozuvchisi Muhammad Ali tomonidan kitob mundarijasi, mazmun-mohiyati, Sohibqironning tug‘ilish yillaridan boshlab to kuch-quvvatga to‘lgan davrigacha bo‘lgan hayot yo‘li haqida qiziqarli ma’lumotlar berildi.
Kitob taqdimotida jonli sahna ko‘rinishlari namoyish etildi hamda tadbir ishtirokchilari o‘rtasida Sohibqiron shaxsi va davriga oid savollardan tashkil topgan onlayn Quiz-turnir (Kahoot platformasida) o‘tkazildi.
Bir so'z bilan aytganda yurtimiz ravnaqi va ilm-fan taraqqiyoti yo‘lida Amir Temur merosi biz uchun doimo ilhom manbai bo‘lib qoladi.