Mazkur veb-sayt O‘zbekiston Respublikasi Raqamli texnologiyalar vazirligi huzuridagi "O‘zbekkosmos" agentligi faoliyati to‘g‘risida ochiq va ishonchli axborotni taqdim etish, fuqarolar hamda tashkilotlar uchun zarur ma’lumotlardan foydalanish imkoniyatini yaratish maqsadida ishlab chiqilgan.

Veb-saytdan foydalanish jarayonida foydalanuvchilarga qulaylik yaratish hamda axborotlardan samarali foydalanishni ta’minlash maqsadida quyidagi yo‘riqnoma va atamalar bilan tanishish tavsiya etiladi.

1. Veb-saytdan foydalanish tartibi

1.1. Asosiy sahifa

Veb-saytning asosiy sahifasida agentlik faoliyati bilan bog‘liq eng muhim yangiliklar, e’lonlar, dolzarb ma’lumotlar va boshqa axborot materiallari joylashtiriladi. Asosiy sahifa orqali foydalanuvchilar saytning boshqa bo‘limlariga tezkor o‘tish imkoniyatiga ega bo‘ladilar.

1.2. Sayt bo‘limlari

Veb-sayt bir nechta tematik bo‘limlardan iborat bo‘lib, ularda agentlik faoliyatining asosiy yo‘nalishlari, amalga oshirilayotgan loyihalar, xalqaro hamkorlik, normativ-huquqiy hujjatlar, yangiliklar va boshqa axborotlar joylashtiriladi. Har bir bo‘lim o‘z nomiga mos ma’lumotlarni o‘z ichiga oladi.

1.3. Navigatsiya tizimi

Sayt bo‘limlari o‘rtasida qulay harakatlanish uchun navigatsiya menyusi joriy etilgan. Foydalanuvchilar menyu orqali kerakli bo‘limni tanlash orqali tegishli sahifaga o‘tishlari mumkin.

1.4. Qidiruv funksiyasi

Veb-saytda joylashgan qidiruv tizimi foydalanuvchilarga kerakli axborotni kalit so‘zlar yordamida tezkor topish imkonini beradi.

1.5. Hujjatlar va axborot materiallari

Veb-saytda agentlik faoliyatiga oid normativ-huquqiy hujjatlar, hisobotlar, axborot materiallari hamda boshqa rasmiy hujjatlar joylashtiriladi. Mazkur hujjatlar bilan tanishish hamda zarur hollarda ularni yuklab olish imkoniyati mavjud.

1.6. Yangiliklar bo‘limi

“Yangiliklar” bo‘limida agentlik faoliyati, kosmik texnologiyalar sohasidagi yangiliklar, o‘tkazilgan tadbirlar va boshqa dolzarb voqealar haqida muntazam ravishda axborotlar e’lon qilib boriladi.

1.7. Elektron murojaatlar

Foydalanuvchilar veb-sayt orqali elektron murojaat yuborishlari mumkin. Buning uchun tegishli elektron shaklni to‘ldirish hamda zarur ma’lumotlarni kiritish talab etiladi. Murojaatlar amaldagi qonunchilikka muvofiq ko‘rib chiqiladi.

1.8. Ko‘p tilli foydalanish imkoniyati

Veb-sayt bir nechta tillarda faoliyat yuritadi. Foydalanuvchilar sahifaning yuqori qismida joylashgan til tanlash funksiyasi orqali o‘zlariga qulay tilni tanlashlari mumkin.

1.9. Texnik qo‘llab-quvvatlash

Veb-sayt faoliyati bilan bog‘liq texnik muammolar yuzaga kelgan taqdirda foydalanuvchilar “Aloqa” bo‘limida ko‘rsatilgan ma’lumotlar orqali tegishli mas’ul shaxslarga murojaat qilishlari mumkin

2. Asosiy atamalar

Veb-sayt – internet tarmog‘ida joylashtirilgan, o‘zaro bog‘langan sahifalar majmuasidan iborat axborot resursi.

Foydalanuvchi – veb-sayt xizmatlaridan foydalanayotgan jismoniy yoki yuridik shaxs.

Asosiy sahifa – veb-saytning boshlang‘ich sahifasi bo‘lib, unda asosiy axborotlar va sayt bo‘limlariga havolalar joylashtiriladi.

Navigatsiya – foydalanuvchining sayt sahifalari o‘rtasida harakatlanishini ta’minlovchi tizim.

Menyu – veb-saytning asosiy bo‘limlari va sahifalariga o‘tish imkonini beruvchi navigatsiya elementi.

Qidiruv tizimi – sayt ichidagi ma’lumotlarni kalit so‘zlar orqali topish imkonini beruvchi funksiya.

Elektron murojaat – foydalanuvchi tomonidan veb-sayt orqali yuboriladigan rasmiy murojaat, taklif yoki savol.

Kontent – veb-saytda joylashtirilgan matnlar, tasvirlar, videolar va boshqa axborot materiallari.

Administrator – veb-sayt faoliyatini boshqaruvchi va uning texnik ishlashini ta’minlovchi mas’ul shaxs.

Axborot resurslari – veb-saytda joylashtirilgan hujjatlar, ma’lumotlar, axborot materiallari va boshqa manbalar majmui.