"O‘zbekkosmos" agentligi

"Oʻzbekkosmos" agentligida faoliyat olib borayotgan ayollar uchun 8-mart – Xalqaro xotin-qizlar kuni munosabati bilan ma'rifiy uchrashuv tashkil etildi. 

Unda Oʻzbekiston Respublikasi Raqamli texnologiyalar vazirligining xotin-qizlar masalalari bo‘yicha maslahatchisi Sobirova Kamola Shavkatovna ishtirok etib, zamonaviy texnologiyalar va kosmik sohada ayollar ishtirokini kengaytirish, ularning professional salohiyatini qo‘llab-quvvatlash bo'yicha o'z tajribasi bilan o'rtoqlashdi.

Uchrashuvda qayd etilganidek, bugungi kunda kosmik sanoat dunyo bo‘ylab eng tez rivojlanayotgan strategik yo‘nalishlardan biridir. Shu bois ushbu sohada faqat muhandislik yoki ilmiy bilimlar emas, balki innovatsion fikrlash, boshqaruv, kommunikatsiya va tahliliy ko‘nikmalar ham muhim ahamiyatga ega. Rivojlangan davlatlar kosmik sanoatda ayollar ulushini oshirishga alohida e’tibor qaratmoqda. Shu nuqtai nazardan, O‘zbekistonda ham kosmik texnologiyalar rivoji jarayonida ayollar faolligini oshirish dolzarb masalaga aylanib bormoqda. 

Tadbirda davlat tizimida xotin-qizlarning rolini kuchaytirish bo‘yicha olib borilayotgan ishlar haqida ma'lumot berildi. Bunday muloqotlar tashkilot ichidagi ijtimoiy muhitni mustahkamlash barobarida O‘zbekistonning kosmik sanoatini rivojlantirishda inson kapitalining muhim qismini tashkil etuvchi ayollar salohiyatini to‘liq ro‘yobga chiqarishga ham xizmat qiladi.

Videoni tomosha qilish uchun shu yerga bosing