"O‘zbekkosmos" agentligi

“O‘zbekkosmos” agentligi tomonidan Qoraqalpog‘iston Respublikasi Vazirlar Kengashi va viloyatlar tumanlari hokimlarining qishloq va suv xo‘jaligi masalalari bo‘yicha o‘rinbosarlari uchun seminar-treninglar o‘tkazildi. Ushbu tadbir O‘zbekiston Respublikasi Prezidenti huzuridagi Boshqaruv samaradorligi agentligi tashabbusi bilan tashkil etildi.

 Seminar-trening ishtirokchilari aerokosmik texnologiyalarni joriy etish orqali iqtisodiyot tarmoqlaridagi muammolarni aniqlash hamda ularni bartaraf etish imkoniyatlari bilan tanishtirildi.

Mashg‘ulotlar davomida soha mutaxassislariga aerokosmik texnologiyalardan foydalanish orqali qishloq xo‘jaligida ekin yerlaridan foydalanish samaradorligini oshirish uchun ekin yerlarini xaritalash va raqamlashtirish, o‘simliklarning vegetatsiya holatini monitoring qilish, ekin maydonlaridagi anomal holatlarni aniqlash va suvdan unumli foydalanish darajasini tahlil etish usullari va imkoniyatlari haqida ma’lumotlar berildi.