Uzcosmos xalqaro hamkorligini kengaytirmoqda
2025-11-24 11:35:00 / Yangiliklar
«Uzcosmos» va STAR.VISION sun’iy yo‘ldosh texnologiyalari va kosmik ilovalarni rivojlantirish bo‘yicha strategik memorandum imzoladi. Tomonlar qo‘shma loyihalarni amalga oshirish, ilmiy va texnologik integratsiyani kuchaytirish, universitetlar va kompaniyalar bilan hamkorlik qilishga kelishib oldi.
STAR.VISION o‘zining giperspektral sun’iy yo‘ldoshlaridan biriga «Samarqand-2028» nomini berishga rozi bo‘ldi va 2028-yilda O‘zbekistonda bo‘lib o‘tadigan Xalqaro Astronavtika Kongressini qo‘llab-quvvatlashini bildirdi.
Hamkorlik milliy paxta va bug‘doy xaritalarini yaratishda giperspektral ma’lumotlardan foydalanishni ham qamrab oladi.