Amir Temur tavalludining 688-yilligi
2024-04-09 09:45:00 / Yangiliklar
Bugun — yirik davlat arbobi, buyuk sarkarda, Sohibqiron Amir Temur tavallud topgan kun.
Amir Temur nafaqat harbiy sarkarda, balki ilm-fan, madaniyat homiysi sifatida ham tarixda o‘chmas iz qoldirgan. Amir Temur o‘z davrida adabiyot, san’at, ilm-fan va ta’limni rivojlantirishga salmoqli hissa qo‘shgan.
Aynan uning hukmronlik davrida buyuk olimlar yetishib chiqqan. Yurtda adolat va farovonlik ta’minlangan. Xorijiy mamlakatlar bilan diplomatik aloqalar o‘rnatilgan.
Amir Temurning mashhur “Temur tuzuklari” asari 1783 yilda Buyuk Britaniyada, 1891 yilda Hindistonda, 1868 yili Eronda chop etilgan. Asar bir qator, jumladan, fransuz, ingliz, urdu, rus tillariga tarjima qilingan.
“Temur tuzuklari” — 14 asr Movarounnahr ijtimoiy-siyosiy ahvoli, Temuriylar davlati, qo‘shni mamlakatlar va xalqlar bilan bo‘lgan munosabatlar haqida hikoya qiluvchi muhim tarixiy hujjat ekanligi bilan katta ahamiyatga ega asardir.