Maktabgacha va maktab ta’limi vazirligi, Energetika vazirligi hamda Yaponiya-O‘zbekiston yoshlar innovasion markazi hamkorligida suv va elektr energiyani tejash bo‘yicha ENE Kids loyihasining pilot dasturi muvaffaqiyatli nihoyasiga yetkazildi. 

Unda Toshkent shahar va Sirdaryo viloyatidan tanlab olingan 11 ta  maktabning 500 nafardan ortiq 7-sinf o‘quvchilari ishtirok etishdi. Oila a’zolari bilan hisoblaganda jami 1626 kishi qamrab olindi. 

Bugun pilot dasturining yakunlanishiga bag‘ishlab o‘tkazilgan tadbirda Energetika vaziri o‘rinbosari Akmal Jumanazarov,  vazirlik mas’ullari hamda dastur ishtirokchilari qatnashishdi. 

Ma’lumot o‘rnida, ushbu dastur o‘quvchilarga:

• energiya va suvdan unumli foydalanish ko‘nikmalarini shakllantirishga yordam beradi;
• butun mamlakat ko‘lamida qanchalik suv va energiya tejalishi mumkinligini ko‘rsatadi. 

Natijalardan shuni ko‘rish mumkin-ki, agar bu loyiha barcha maktablarga joriy etilsa, bir haftada mamlakatimizdagi eng yirik Talimarjon issiqlik elektr stansiyasi ishining bir kunlik ishini tejash mumkin, suv esa, har hafta bir olimpiya stadioniga ketadigan suv tejab qolinishi mumkin. 

Ta’kidlash joiz, bu kabi tadbirlar yoshlarga energiya resurslaridan unumli foydalanish, tejash orqali ekologik muammolarni yechishda o‘z hissalarini qo‘shishlariga ko‘maklashadi. 

Loyiha doirasida yaponiyalik ekspert Yuki Yanagida tomonidan mazkur tajriba-sinov maktablarining o‘qituvchilari uchun treninglar ham tashkil etildi.