O‘zbekiston Respublikasi Maktabgacha va maktab taʼlimi vazirligi

Maktabgacha va maktab ta’limi vazirligi, Adliya vazirligi, Respublika Ma’naviyat va ma’rifat markazi hamkorligida "Mening huquq va majburiyatlarim" tanlovining respublika bosqichi o‘tkazilmoqda. 

Joriy yilda tanlovning Respublika bosqichi Zomin tumanida bo‘lib o‘tmoqda. 

Mazkur tanlov uch bosqichda tashkil etildi. 1-bosqichda respublika miqyosida 9-11-sinf o‘quvchilaridan 40 ming nafarga yaqini onlayn ro‘yxatdan o‘tdi. 

Ro‘yxatdan o‘tgan o‘quvchilar 20-sentyabr kuni bo‘lib o‘tgan 1-bosqichda onlayn test topshirdi va 70 balldan yuqori ball to‘plagan o‘quvchilar keyingi bosqichga o‘tdi. 

2-bosqich 30-sentyabr kuni hududlarda bo‘lib o‘tdi va jami 10 ming nafarga yaqin o‘quvchi 2-bosqichning 2-shartiga yo‘l oldi. 2-bosqichda eng yuqori ball to‘plagan o‘quvchilarning besh nafari tanlab olinib, hududlarning o‘zida jamoalar shakllantirildi. 

Respublika bosqichida ishtirok etish huquqini qo‘lga kiritgan o‘quvchilar ro‘yxati tashkiliy qo‘mitaga taqdim etildi.

Respublika bosqichi g‘oliblari 3 shart bo‘yicha aniqlanadi: 1-shart onlayn test, 2-shart og‘zaki savol-javob hamda 3-shart jamoa tomonidan avvaldan tayyorlab kelingan ijtimoiy roliklar bo‘yicha baholanadi.

Tanlov jarayonlari davom etmoqda.