Respublikamiz bo‘ylab "Milliy qadriyatlar targ‘ibotchisi" tanlovining hududiy bosqichi doirasida test sinovlari bo‘lib o‘tmoqda.

Mazkur tanlovda maktablarda faoliyat olib borayotgan maʼnaviy-maʼrifiy ishlar bo‘yicha 500 nafarga yaqin direktor o‘rinbosarlari ishtirok etmoqda.

Bunda nomzodlar quyidagi shartlar asosida o‘zaro bellashadi:

maʼnaviy-maʼrifiy yo‘nalishdagi chiqish (7 daqiqa) – nomzodlar belgilangan mavzuda maʼnaviy-maʼrifiy mazmundagi chiqish qiladi, bunda nutq madaniyati, auditoriyaga taʼsir o‘tkazish qobiliyati, mavzuning dolzarbligi va tarbiyaviy ahamiyatiga eʼtibor qaratiladi.

Shuningdek, ijtimoiy-siyosiy, huquqiy, raqamli hamda maʼnaviy-maʼrifiy  savodxonligi yuzasidan ularga jami 40 ta test savollari taqdim etiladi.

Mazkur bosqichda g‘olib bo‘lgan nomzodlar Respublika bosqichida kuch sinashadi.