“Jasorat maktablari”ga qabul qilish imtihonlarining ikkinchi bosqichi bo‘lib o‘tdi
2026-08-05 10:00:00 / Yangiliklar
Sinov jarayonlari Respublikamizning barcha hududlarida bir vaqtning o‘zida 208 ta binoda tashkil etildi.
Tadbir avvalida harbiy orkestr sadolari ostida o‘quvchilar va ularning ota-onalari tantanali ravishda kutib olindi.
So‘ngra hamkor vazirlik va idora rahbarlari o‘quvchilarga omad tilab, Vatanparvarlik musiqa sadolari ostida imtihon binolariga kuzatildi.
Jismoniy tayyorgarlik bo‘yicha sinovlarda 4-sinf uchun mo‘ljallangan o‘quv dasturi doirasida har bir o‘quvchiga 5 tadan jismoniy mashqlar berildi.
Jismoniy tayyorgarlik bo‘yicha sinovlar 1 664 nafar (har bir maktab uchun 8 nafardan kam bo‘lmagan) malakali hakamlar hayʼati tomonidan 50 balli tizimda baholanadi.