Yuksak bilim va kasbiy tajribaga ega ustozlarning o‘zaro mahorat maydoniga aylanib borayotgan “Yil o‘qituvchisi” tanlovining uchinchi bosqich sinovlari mamlakatimizning barcha hududlarida qizg‘in davom etmoqda.

Unda respublikamizning 208 ta tuman (shahar)ida faoliyat olib borayotgan jami 416 nafar pedagog ishtirok etmoqda.Mazkur bosqichda nomzodlar 2 ta yo‘nalish bo‘yicha (jami 100 ballik tizim asosida) baholanadi:

— Maʼnaviy-maʼrifiy faoliyat yo‘nalishi — bunda nomzodning shaxsiy rivojlanishi, o‘z ustida ishlashi, shuningdek, maʼnaviy-axloqiy, tarbiyaviy va sinfdan tashqari faoliyati hamda tashabbuslari yuzasidan taqdimoti eʼtiborga olinadi (20 ballik tizim asosida baholanadi).

— Test sinovi (kitobxonlik bo‘yicha) yo‘nalishi — bunda nomzodlar tavsiya etilgan adabiyotlar asosida tuzilgan 40 ta savoldan iborat test sinovida qatnashadi. Har bir to‘g‘ri javob uchun 2 balldan (jami 80 ball) beriladi.