Maktabgacha va maktab ta’limi vaziri E’zoza Karimova Fransiyaning O‘zbekistondagi Favqulodda va muxtor elchisi Ualid Fuk bilan muloqot qildi.
Uchrashuv avvalida ikki mamlakat o‘rtasida ta’lim sohasidagi do‘stona va strategik hamkorlik izchil rivojlanib borayotgani alohida ta’kidlandi.
Muloqot davomida:
➖Mamlakatimiz maktablarida fransuz tilini o‘qitish sifatini oshirish va “til egalari”ni ta’lim jarayoniga keng jalb etish;
➖ Pedagoglarning Fransiyada malaka oshirish dasturlarini kengaytirish va ularga qulay sharoitlar yaratish;
➖ Zamonaviy o‘quv adabiyotlarini joriy etish hamda o‘quvchilarning til bilish darajasini xalqaro mezonlar asosida baholash (DELF/DALF);
➖Maktabgacha ta’lim yoshidagi bolalarga fransuz tilini o‘rgatish bo‘yicha qo‘shma loyihalarni davom ettirish kabi mavzularda so’z bordi.