Yozgi sog‘lomlashtirish oromgohi
2024-08-06 09:45:00 / Yangiliklar
Navoiy shahridagi 1-sonli ayrim fanlarni chuqurlashtirib o‘rganiladigan ixtisoslashtirilgan maktabda ayni vaqtda “Bulbulcha” yozgi sog‘lomlashtirish oromgohi 90 nafarga yaqin o‘quvchilarni o‘z bag‘riga olgan.
Maskanda bolalarning bo‘sh vaqtlarini sermazmun va qiziqarli o‘tkazish maqsadida turli to‘garaklar faoliyati yo‘lga qo‘yilgan.
Bugun oromgohda tashkil etilgan “Yosh qutqaruvchilar” mavzusidagi mashg‘ulotlarda bolalar jasur va epchilliklarini namoyish etish bilan birga o‘z bilim va ko‘nikmalarini oshirishdi.
Oromgohda yozgi mavsum ana shunday quvonchli va mazmunga boy damlari bilan bolalar qalbida o‘chmas, yorqin iz qoldirmoqda.
Navoiy viloyati Maktabgacha va maktab ta’limi boshqarmasi matbuot xizmati