“Jasorat maktabi” o‘quvchilari bilan ochiq muloqot: Harbiy aviatsiya institutida “Rahbar va yoshlar” uchrashuvi tashkil etildi
2026-06-05 09:00:00 / Yangiliklar
Qarshi shahrida tashkil etilgan musobaqa dasturi doirasida o‘quvchilar ishtirokida “Rahbar va yoshlar” uchrashuvi bo‘lib o‘tdi. Ushbu uchrashuv yoshlarni vatanparvarlik ruhida tarbiyalash hamda ularning intilishlarini har tomonlama qo‘llab-quvvatlash maqsadida o‘tkazildi.
Uchrashuvda Maktabgacha va maktab ta’limi vazirligi mas’ullari, Qashqadaryo viloyati harbiy prokurori hamda institut rahbariyati ishtirok etib, kelajagimiz egalari bo‘lgan o‘quvchilar bilan bevosita suhbatlashdilar.
Uchrashuv davomida yoshlarning kelajakdagi maqsadlari, orzu-umidlari hamda yurtimiz taraqqiyotiga qo‘shmoqchi bo‘lgan hissalari yuzasidan fikr-mulohazalari tinglandi.