Ayni paytda barcha hududlarda tanlovning tuman va shahar bosqichlarida g‘olib bo‘lgan, davlat hamda nodavlat maktabgacha ta’lim tashkilotlarida faoliyat yuritayotgan pedagoglar o‘zaro bellashmoqda.

Mazkur tanlovdan ko‘zlangan asosiy maqsad — maktabgacha ta’lim tashkilotlarida faoliyat yuritayotgan tarbiyachilarning kasbiy mahorati, ijodiy salohiyati va innovatsion yondashuvlarini rivojlantirish, ilg‘or ish tajribalarini keng ommalashtirish hamda zamonaviy ta’lim texnologiyalarini ta’lim-tarbiya jarayoniga samarali joriy etishdan iborat.

Tanlov nafaqat eng munosib tarbiyachilarni aniqlash, balki maktabgacha ta’lim sifatini yangi bosqichga olib chiqishda muhim maydon vazifasini o‘tamoqda.