Chinoz tumanidagi 9-davlat maktabgacha ta’lim tashkilotida Xitoyning “Anji Play” metodikasi asosidagi loyihaning ochilish marosimi boʻlib oʻtdi.

Unda Maktabgacha va maktab ta’limi vaziri E’zoza Karimova, mahalliy hokimlik vakillari, Xitoyning O‘zbekistondagi elchixonasi mas’ullari hamda maktabgacha ta’lim tashkiloti jamoasi qatnashdi.

Tadbir davomida erkin o‘yin muhitining bolalar rivojidagi ahamiyati amaliy mashg‘ulotlar orqali namoyish etildi. Bu kabi yondashuvlar bog‘chalarda bolaga yo‘naltirilgan zamonaviy ta’lim modelini kengaytirishga xizmat qiladi.

Ma’lumot o’rnida: mazkur loyiha bolalarning erkin o‘yin orqali ijodkorligi va mustaqil fikrlash qobiliyatini rivojlantirish, jamoa bo‘lib ishlash, shuningdek, maktabgacha ta’lim tizimiga zamonaviy pedagogik yondashuvlarni joriy etish maqsadida tashkil etilgan.