Maktabgacha va maktab ta'limi vazirligi tomonidan Milliy o‘quv dasturini takomillashtirish doirasidagi seminar-treninglarning ochilish marosimi bo'lib o'tdi.

Unda vazirlik mas'ullari, UNICEF, Kembrij hamda qator hamkor tashkilotlar vakillari qatnashdi.

Tadbir davomida Milliy o‘quv dasturining maqsadi, xorijiy tajriba, amalga oshirilayotgan ishlar hamda kelgusi vazifalar haqida so‘z yuritildi.

Shundan so‘ng, seminar-treninglar jarayonlariga start berildi.

Unda tajribali xorijiy mutaxassislar tomonidan Milliy o‘quv dasturi xalqaro mezonlar, milliy qadriyatlar va zamonaviy kompetensiyalar uyg‘unlashuvi jihatidan ko‘rib chiqilmoqda.

Ma'lumot o‘rnida: xorijiy hamda mahalliy mutaxassislar ishtirokida boshlang‘ich ta‘lim bosqichi uchun 17 ta, tayanch o‘rta ta'lim bosqichi uchun 25 ta va o‘rta ta'lim bosqichi uchun 21 ta fan o‘quv dasturi ramkalari ishlab chiqildi.

Ayni damda mazkur o‘quv dasturlari xorijiy konsultantlar ishtirokida takomillashtirilmoqda.