O‘zbekiston Respublikasi Prezidenti Administratsiyasi rahbari o‘rinbosari Hilola Umarova, Maktabgacha va maktab taʼlimi vaziri Eʼzoza Karimova Termiz Iqtisodiyot va servis universitetida bo‘lishdi.

Bu yerda taʼlim jarayonlari, amalga oshirilayotgan ishlar hamda o‘quv xonalari bilan tanishib, talabalar bilan muloqot qilindi.

Shundan so‘ng, universitet faoliyati, istiqboldagi rejalar hamda loyihalar haqida taqdimot bo‘lib o‘tdi.

Uchrashuv yakunida ushbu taʼlim muassasasi taʼsischisi va rahbari Jamshidbek Pardayev taʼlim sohasidagi faoliyati uchun "Xalq taʼlimi homiysi" ko‘krak nishoni bilan taqdirlandi.

Maʼlumot o‘rnida: tadbirkor Oltinsoy tumanidagi o‘zi tahsil olgan 48-maktabni to‘liq taʼmirlab bergan. Ayni damda u boshchilik qilayotgan Termiz Iqtisodiyot va servis universitetida 30 ming nafardan ortiq talaba tahsil olmoqda.

Shu kuni Hilola Umarova Surxondaryo ilg‘or kasbiy mahorat texnikumi va Termiz davlat universitetida ham bo‘ldi va bu yerda amalga oshirilayotgan ishlar bilan tanishdi.

Masʼullar bilan muloqot davomida mazkur taʼlim maskanida talabalarning sifatli taʼlim olishlari uchun zarur sharoitlarni yaratish bo‘yicha o‘z tavsiyalarini berdi.