UNESCO hamkorligida master-trenerlarni tayyorlash dasturi olib borilmoqda
2026-01-19 12:10:00 / Yangiliklar
Maktabgacha va maktab taʼlimi vazirligi, A.Avloniy nomidagi pedagogik mahorat milliy instituti hamda UNESCO hamkorligida master-trenerlarni tayyorlash dasturi olib borilmoqda.
"Uslubiy ekspertiza, rejalashtirish, tashkil etish va baholash" mavzusiga bagʻishlab tashkil etilgan navbatdagi trening mashgʻulotlari UNESCO experti, professor Katarina Popovich tomonidan olib borildi.
Treningda qatnashgan master-trenerlar keyinchalik xalqaro mutaxassislar bilan birgalikda Buxoro, Fargʻona va Surxondaryo viloyatlaridan tanlab olingan 300 nafar mentorlar uchun oʻquvlar tashkil etishi rejalashtirilgan.
Shuningdek, trening davomida ishtirokchilar turli nazariyalariga asoslangan didaktik tanlovlar, ehtiyojlarni turli darajalarda baholash, kompetensiyaga yoʻnaltirilgan natijalarni shakllantirish boʻyicha bilim va koʻnikmaga ega boʻlishdi.