Ulgurji savdo korxonasi transportsiz avtokran va yuklash xizmati koʻrsatmoqda

Soliq qo‘mitasi tadbirkorlar tomonidan elektron hisobvaraq-fakturalar (EHF) rasmiylashtirishda yo‘l qo‘yilayotgan qo‘pol xatolar va soliq qonunchiligi buzilishi holatlari haqida ma’lumot berib borishni davom ettirmoqda. (https://t.me/soliqnews/16217)

Bunday holatlar maxsus axborot-tahliliy tizim orqali aniqlanmoqda (https://t.me/soliqnews/16091). U mavjud raqamli ma’lumotlar tahlili asosida EHFlarning xavf darajasini real vaqt rejimida avtomatik tarzda belgilab beradi.

Masalan, 2024-yil iyun oyida yog‘och, qurilish materiallari va sanitariya uskunalari ulgurji savdosi faoliyati bilan shug‘ullanish uchun tashkil etilgan “Gumbaz” MChJ (nomi o‘zgartirilgan) ustav jamg‘armasi 785 mln so‘mni tashkil etib, uzoq vaqt faoliyat ko‘rsatmasdan 2025-yil oktabr oyida rahbarini o'zgartirgan holda, juda qisqa vaqt ichida, ishchilar va transport vositalariga ega bo‘lmasdan 71,9 mlrd so‘m (shundan, QQS — 7,7 mlrd. so‘m) miqdorida transport xizmatlari (avtokran, yuklash xizmatlari) hamda turli mahsulotlar realizatsiyasi bo‘yicha EHF rasmiylashtirgan.

Eslatib o‘tamiz: EHFlarning xavf darajasini aniqlash bo‘yicha maxsus axborot tizimi hozirda test tartibida faoliyat yuritmoqda va aniqlangan holatlar bo‘yicha hozircha hech qanday chora-tadbirlar ko‘rilmagan.

Mazkur tizim 2026-yil 1-yanvardan boshlab joriy etiladi. 

QQS ma'muriyatchiligi departamenti