Maʼlumot uchun:

Hukumat qarori: Oʻzbekiston Respublikasi Prezidentining 2022-yil 24-martdagi 178-son “Jahon banki ishtirokidagi “Soliq maʼmuriyatchiligini isloh qilish” loyihasini amalga oshirish chora-tadbirlari toʻgʻrisida”gi qarori.

Loyiha maqsadi: Soliq tizimi faoliyatining operatsion samaradorligini va natijadorligini hamda soliq qonunchiligiga rioya qilish darajasini oshirish.

Loyiha qiymati – 60 mln.dollar

Amalga oshirish muddati: 2022–2027yy.

Loyiha moliyalashtirilishi: Halqaro taraqqiyot uyushmasi (Jahon banki) va Oʻzbekiston Respublikasi oʻrtasida 2022-yil 18-aprelda qarz bitimi imzolangan (№6912-UZ).

Loyiha tarkibi: Loyiha (60 mln.doll.) 4-ta komponentdan iborat:

Soliq maʼmuriyatchiligining biznes jarayonlarini avtomatlashtirish (48,7 mln.doll.).

Yashirin iqtisodiyotni kamaytirish uchun soliq toʻsiqlarini bartaraf etish (6,0 mln.doll.).

Kadrlar va institutsional salohiyatni oshirish (3,3 mln.doll.).

Notexnik komponent-Loyiha boshqaruvini qoʻllab-quvvatlash (2,0 mln.doll.).

Loyihaning maqsadli koʻrsatkichlari:

Soliqlarni hisoblash va toʻlashni avtomatlashtirish darajasini 90% yetkazish;

Soliq organlari koʻrsatayotgan elektron xizmatlar sonini oshirish orqali tadbirkorlik subyektlarini elektron xizmatlar bilan qamrab olish;

Qoʻshilgan qiymat soligʻini undirish jarayonlarini toʻliq avtomatlashtirish orqali ushbu soliqning undiruv darajasini 75% yetkazish;

Soliq toʻlovchilarning hisobotlarini taqdim etish va soliqlarni toʻlash vaqt sarfini ikki baravargacha kamaytirish.

Investitsiyalarni oʻzlashtirish:

Loyiha boshidan 2025y. 1-iyungacha 39,58 mln.doll. (kreditning 66%) oʻzlashtirilgan, uskunalar yetkazilishi- 39,15 mln.doll., Loyiha amalga oshirish guruhi - 0,43 mln.doll.  hisobiga.

Investitsiyalarni jalb etish (kreditdan pul yechish):

Loyiha boshidan 2025-yil 1-iyungacha jami 39,68 mln.doll. (kreditning 66%) jalb etildi, shundan shartnomalar toʻlovlari - 39,15 mln.doll., loyihani amalga oshirish guruhi - 0,53 mln.doll.

2024-yil Investitsiya Dasturi. 2024-yilda Maʼlumotlarni qayta ishlash markazini modernizatsiyalash boʻyicha ishlar jadallashtirilgan tarzda bajarilgani hisobiga Investitsiya Dasturidagi belgilangan oʻzlashtirish prognozi (20,2 mln.doll.) ortigʻi bilan bajarilgan (33,5 mln.doll.).

2025-yil Investitsiya Dasturi. Oʻzbekiston Respublikasi Vazirlar Mahkamasining 2025-yil 31-yanvardagi 53-son qarori bilan qabul qilingan 2025-yil Investitsiya dasturiga  muvofiq loyiha boʻyicha 2025-yil IV-choragida 1 mln.doll. oʻzlashtirish prognozi belgilangan, bajarilishi loyiha 3-komponenti “Kadrlar va institutsional salohiyatni oshirish” doirasida  konsalting hizmatlar hisobiga koʻzda tutilgan. 2025-yil yanvar-may oylarida mablagʻlar oʻzlashtirilishi koʻzda tutilmagan.

Loyiha 1-komponenti. 2023-yilda Maʼlumotlarni qayta ishlash markazini modernizatsiyalash boʻyicha oʻtkazilgan tender savdolar yakuni bilan umumiy qiymati 39,32 mln.doll. 5-ta import shartnomasi, jumladan “Winncom Technologies Corp.” (AQSH) bilan 1-4 lotlar boʻyicha (16.10.23y., 15.12.23y.) umumiy qiymati 33,6 mln.doll. shartnomalar hamda “Blaze Technologies LTd” (Bolgariya) bilan 5-lot boʻyicha (19.10.23y.) qiymati 5,74 mln.doll. shartnoma imzolangan.

2023-yil dekabrda shartnomalar doirasida 5,84 mln.doll. qiymatida uskunalarning birinchi partiyasi yetkazib kelindi. 2024-yil yanvar-iyun davrida shartnomalar boʻyicha jami 27,75 mln.doll. qiymatida uskunalar yetkazib kelingan. Natijada shartnomalar boʻyicha 33,58 mln.doll. qiymatidagi uskunalar yetkazilishi taʼminlandi.

2024-yil noyabrda shartnomalar boʻyicha barcha ishlar yakunlandi, jumladan yetkazilgan uskunalar boʻyicha muvofiqlik sertifikatsiyalari olindi, oʻrnatish va sozlash ishlari yakunlandi, dasturiy taʼminot qabul qilindi, mutahassislar oʻqitildi, sinovlar oʻtkazildi.

Axborot tizimlarini ishga tushirish dalolatnomalari rasmiylashtirildi Shartnomalar doirasida bajarilgan ishlar qiymati 39,15 mln.doll., yetkazib beruvchi kompaniyalarga toʻlovlar amalga oshirildi,davlat byudjetiga 8,42 mlrd soʻm soliq toʻlovlari tushirilgan.

Bugungi kunda loyihaning 1-komponenti doirasida tejalgan jami 9,55 mln.doll. miqdordagi mablagʻlardan (tender savdolar yakuni - 8,88 mln doll., shartnomalar yakuni - 0,17 mln.doll., konsalting hizmatlar hisobiga bajariladigan vazifalar ichki salohiyat hisobiga amalga oshirilayotganligi sababli - 0,5 mln.doll.) foydalanish boʻyicha ishlab chiqilgan taklif maʼsul vazirliklar tomonidan koʻrib chiqilmoqda.    

Loyiha 2-komponenti. Loyihaning texnik-iqtisodiy asoslarida komponent boʻyicha keltirilgan 55-ta tadbirdan 46-tasi yaʼni 84% xajmi bajarilgan, amalga oshirilishi lozim boʻlgan 9-ta chora-tadbirni ichki salohiyat hisobiga va konsultant ishtirokida bajarilishi oʻrganib chiqilmoqda,  Chora-tadbirlar rejasi ishlab chiqilgan.

Jahon bankining texnik yordam dasturi doirasida 2023-yilda soliq xavflarini avtomatlashtirilgan kompleks boshqarish tizimni  takomillashtirish, milliy audit rejasini ishlab chiqish, audit ishini boshqarish tizimi, soliq xarajatlari tahlili mavzularida  horijiy ekspertlar ishtirokida seminarlar tashkil etilgan.

Jahon banki texnik yordam dasturi doirasida jalb etilgan konsultant ishtirokida 2024-yil avgust-noyabrda “Yashirin iqtisodiyotni kamaytirish uchun qoʻshimcha funksional tahlil” mavzusida seminarlar oʻtkazildi, konsultant tomonidan takliflar taqdim etildi. 

Loyiha 3-komponenti. Loyiha texnik-iqtisodiy asoslaridagi chora-tadbirlar  ichki salohiyat va tanlov asosida jalb etiladigan konsultant ishtirokida bajarilishi rejalashtirilgan. Bugungi kunda komponentning uch yoʻnalishidagi vazifalarni oʻz ichiga olgan konsultant yollash texnik topshirigʻi ishlab chiqilgan, hozirda tuzilmalar bilan kelishish jarayonida. Shu bilan birga, texnik topshiriqda koʻzda tutilgan vazifalar va chora-tadbirlarni qoʻmitaning ichki salohiyati hisobiga amalga oshirish imkoniyatlari ham oʻrganib chiqilmoqda (baholanmoqda).

Jahon banki texnik yordam dasturi doirasida konsultant  ishtirokida 2024-yil iyul-noyabrda seminarlar oʻtkazildi. Soliq xizmati organlarining kadrlar siyosati, qoʻmita tarkibi, tuzilmalar vazifalari va funksiyalari koʻrib chiqildi.

Loyihaning 4-komponenti. Jahon bankining loyiha doirasidagi harajatlarni auditdan oʻtkazish talabini taʼminlash maqsadida oʻtkazilgan tanlov natijalari asosida “Kreston Tashkent” MCHJ bilan shartnoma imzolandi. Loyiha doirasida 2022-2023yy. harajatlar  audit hisoboti Soliq qoʻmitasi tomonidan 2024-yil 22-noyabrda qabul qilindi va 2024-yil 2-dekabrda Jahon banki tomonidan maʼqullandi. 2024-yil harajatlari audit xisoboti 2025-yil 14-aprelda Qoʻmita tomonidan qabul qilindi.