Soliq organlaridagi korrupsiya holati fosh etildi — ichki nazorat tizimi samara berayotganini ko‘rsatmoqda
2025-05-24 16:50:00 / Qo'mita yangiliklari
Ommaviy axborot vositalari va ijtimoiy tarmoqlarda soliq organlarining «Barqarorlik reytingi» dasturi ma’lumotlarini soxtalashtirish orqali QQS manfiy farq summasini qaytargan xodimlarining qo‘lga olingani haqida xabarlar tarqaldi.
Ushbu holat yuzasidan ma’lum qilamizki, mazkur huquqbuzarlik holatlari bevosita Soliq qo‘mitasining ichki xavfsizlik tuzilmasi tomonidan aniqlangan va tegishli huquqni muhofaza qiluvchi organlar bilan hamkorlikda fosh etilgan.
Sodir etilgan holat yuzasidan qonuniy choralar ko‘rilmoqda. Bu esa tashkilotimizda “faqat halollik va shaffoflik” tamoyili qat’iy ustuvor ekanini yana bir bor tasdiqlaydi.
Soliq qo‘mitasi korrupsiyaga qarshi murosasiz kurash olib boradi va bunday holatlarga nisbatan “ichimizda” ham keskin chora ko‘radi. Bu bizda nafaqat tashqi, ichki nazorat mexanizmlari ham samarali ishlayotganini anglatadi.
