Oilaviy tadbirkorlarga 5 nafargacha xodimni yollash huquqi berildi
2023-12-27 14:35:00 / Press-relizlar
Prezident tomonidan imzolangan Qonun (OʻRQ-890, 27.12.2023) bilan ayrim qonun hujjatlariga oʻzgartirishlar va qoʻshimcha kiritildi.
“Oilaviy tadbirkorlik toʻgʻrisida”gi Qonunga kiritilgan oʻzgartirishga koʻra, yuridik shaxs tashkil etmagan holdagi oilaviy tadbirkorlik subyektlariga 5 nafargacha doimiy xodimni ular bilan mehnat shartnomasini tuzgan holda yollash huquqi berildi (ilgari 3 nafargacha edi).
Shuningdek, bir oilaviy korxona ishtirokchisiga bir vaqtning oʻzida boshqa oilaviy korxona ishtirokchisi boʻlish huquqi berildi.
Ma'lumot uchun! Oilaviy tadbirkorlar quyidagi miqdorlarda ijtimoiy soliq to‘laydi:
▫️oilaviy YTT sifatida ro‘yxatdan o‘tgan oila a’zosi uchun – oyiga 340 000 so‘m;
▫️oilaning boshqa a’zolari uchun – oyiga 170 000 so‘m (18 yoshga to‘lmaganlar bundan mustasno);
▫️savdo majmualari va bozorlarda faoliyat yurituvchi oilaviy tadbirkorlarning yollanma xodimlari uchun – oyiga 170 000 so‘m;
▫️boshqa oilaviy tadbirkorlarning yollanma xodimlari uchun – yiliga 340 000 so‘m.