Elektron hisobvaraq-fakturalarni (EHF) to‘ldirishda mahsulot va xizmatlarning identifikatsiya kodi (MXIK) hamda tovar (xizmat)larning o‘lchov birligi ko‘rsatilishi shart.

Avval xabar berilganidek, ushbu ma’lumotlarning noto‘g‘ri to‘ldirilishi, xususan o‘lchov birligi yoki tovar (xizmat) miqdorining noto‘g‘ri ko‘rsatilishi quyidagi holatlarga olib kelishi mumkin:

▫️sotilgan tovarlar narxining haqiqiy holati buzilishi;

▫️tovarlar harakatini nazorat qilish qiyinlashishi;

▫️soliq hisobotlarini topshirishda savollar koʻpayishi.

Buni inobatga olgan holda qurilish materiallari, yuqori likvidli va boshqa tovarlar uchun qat'iy o‘lchov birliklari biriktirilgan edi.

Endilikda ro‘yxatga kiritilgan ayrim xizmatlar yuzasidan EHF rasmiylashtirilayotganda qat'iy o‘lchov birliklaridan foydalanish lozim.

Bu quyidagilarga yordam beradi:

tovar (xizmat)lar hisobini yuritishning aniqligini oshirishga;

hujjatlar aylanishida ma’lumotlarning bir xilligini ta’minlashga;

EHF rasmiylashtirishda xatoliklar va suiiste’molliklarning oldini olishga.