Maxsus iqtisodiy va sanoat zonalarini rivojlantirishning asosiy maqsadli ko‘rsatkichlari belgilandi

O‘zbekiston Respublikasi Prezidentining O‘zbekiston Respublikasi Prezidentining  Maxsus iqtisodiy va sanoat zonalari faoliyatining samaradorligini oshirish bo‘yicha qo‘shimcha chora-tadbirlar to‘g‘risida Farmoni qabul qilindi.
PF-41, 04.03.2025 y. 

Unga ko‘ra, 2025-yilda:

- maxsus iqtisodiy zonalarda:

• investitsiyalarni o‘zlashtirish 2,3 milliard, eksport hajmi 1 milliard, ishlab chiqarish hajmi 4,3 milliard AQSH dollariga yetkaziladi;
• 12 mingta yangi doimiy ish o‘rinlari yaratiladi.

- sanoat zonalarida:

• investitsiyalarni o‘zlashtirish 800 million, eksport hajmi 512,2 million, ishlab chiqarish hajmi 1,8 milliard AQSH dollariga yetkaziladi;
• 17 mingta yangi doimiy ish o‘rinlari yaratiladi.
• Yangi barpo etiladigan ixtisoslashtirilgan zonalar faqat maxsus iqtisodiy zona yoki sanoat zonasi shaklida tashkil etiladi.

- Maxsus iqtisodiy zonalar:

• belgilangan chegaralarda maxsus huquqiy soliq va bojxona rejimi joriy qilingan holda, eksportbop, yuqori texnologik loyihalarni amalga oshirish uchun tashkil etiladi;
• shuningdek, faqat eksportga yo‘naltirilgan loyihalarga ixtisoslashgan, maydoni o‘ralgan maxsus eksport zonasi shaklida ham tashkil etilishi mumkin.

- Sanoat zonalari:

• infratuzilma obyektlaridan oqilona foydalanish maqsadida sanoat, ishlab chiqarish korxonalarini bir joyda jamlash va aholini ish bilan taʼminlash maqsadida;
• master reja asosida Qoraqalpog‘iston Respublikasi Jo‘qorg‘i Kengesi, Xalq deputatlari viloyatlar va Toshkent shahar kengashlari qarorlari bilan barpo etiladi.
• Sanoat zonasi direksiyasi yer uchastkalari, bino va inshootlarni investitsiya majburiyatlari va muddatlarini belgilagan holda onlayn auksionlarga chiqaradi.
• Onlayn auksionda faqat yuridik shaxslar qatnashadi.
• Yer uchastkalari kamida 10 yilga, investitsiya majburiyatlari bajarilgandan so‘ng xususiylashtirish yoki ijara muddatini uzaytirish sharti auksionga chiqariladi.
• Yer uchastkalarining boshlang‘ich ijara qiymati Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan yer solig‘idan past bo‘lmagan miqdorda belgilanadi.
• Maxsus iqtisodiy va sanoat zonalarida faoliyatini yangidan boshlayotgan investorlarga yer uchastkalari qirq to‘qqiz yilgacha muddatga ijaraga beriladi.
• Ishtirokchini tanlash to‘g‘risida qaror qabul qilinganidan keyin olti oy davomida investitsiya majburiyati (uzrli bo‘lmagan sabablarga ko‘ra) bajarilmasa, ijara shartnomasi bekor qilinadi hamda bino, inshootlar va yer uchastkalari direksiyalar balansiga qaytariladi.

Maxsus iqtisodiy zonalar boshqaruvi Investitsiyalar, sanoat va savdo vazirligi tomonidan

Sanoat zonalari boshqaruvi mahalliy hokimiyat organlari tomonidan boshqariladi.

Farmonga ko‘ra, Namangan viloyatida “Namangan” maxsus eksport zonasi tashkil etiladi.

MEZ ishtirokchilariga respublika korxonalari tomonidan yetkazib berilgan xomashyo, materiallar va butlovchi qismlar, ko‘rsatilgan xizmatlar eksportga tenglashtiriladi.

Bunda MEZ ishtirokchilari tomonidan ichki bozorga sotilgan tovarlar importga tenglashtirilib, tegishli bojxona va soliq to‘lovlari undiriladi.

Maxsus iqtisodiy va sanoat zonalari direksiyalari ular tomonidan ijaraga berilgan yer maydonlari uchun 2028-yil 1-yanvarga qadar yer solig‘i bo‘yicha hisoblangan summaning 1%ini to‘laydi. Maxsus iqtisodiy zonalar ishtirokchilari uchun qonunchilikda nazarda tutilgan imtiyozlar belgilangan muddatlarga qadar saqlab qolinadi.

Resurs soliqlar ma'muriyatchiligi boshqarmasi