Joriy yilning 20-yanvaridan kechiktirmay – qishloq xo‘jaligi uchun mo‘ljallanmagan yer solig‘ini hisoblab chiqarish uchun soliq toʻlovchilar yer uchastkasi joylashgan hududdagi soliq organiga yer solig‘i hisobotini taqdim etishi lozim. 

 Soliq kodeksi 431-modda 

Qishloq xo‘jaligi uchun mo‘ljallanmagan yerlar uchun belgilangan soliq stavkalariga Qoraqalpog‘iston Respublikasi Jo‘qorg‘i Kengesi va viloyatlar hamda tuman (shahar) xalq deputatlari Kengashlari tomonidan kamaytiruvchi yoki oshiruvchi koeffitsiyentlar qo‘llaniladi va har yili 10-yanvarga qadar soliq organlariga taqdim etadi.

Soliq kodeksi 429-modda 

Joriy yil 10-yanvarga qadar Qoraqalpog‘iston Respublikasi Jo‘qorg‘i Kengesi, Toshkent, Buxoro, Jizzax, Samarqand, Sirdaryo, Farg‘ona, Xorazm viloyatlari, Toshkent shahardagi tuman (shahar) xalq deputatlari Kengashlari tomonidan tasdiqlangan soliq stavkalari soliq organlariga taqdim etildi. 

Bundan Angren, Nurafshon, Chirchiq, Ohangaron, Olmaliq shaharlari, Bo'stonliq, Parkent, Qibray, Yashnaobod, Qo‘shrabot, Kattaqo‘rg‘on, Urgut, Bulung‘ur, Quva tumanlari mustasno.

Mazkur hududlarda yer uchastkalari mavjud bo‘lgan yuridik shaxslarda qishloq xo‘jaligi uchun mo‘ljallanmagan yer solig‘i hisobotini taqdim etish imkoniyati mavjud.

Yer solig‘i hisoboti soliq stavkalari tasdiqlanmagan hududlarda soliq organlari tomonidan avtomat shakllanmayapti.