Endilikda mahsulotlar (tovarlar va xizmatlar)ning Yagona elektron milliy katalogi “Qurilish resurslari milliy klassifikatori” elektron platformasi bilan integratsiyalashtirildi.  

Milliy klassifikatorda qurilish materiallarining batafsil texnik tavsiflari koʻrsatilganligi sababli, ular asosida qurilish materiallarining 172 mingta yangi MXIKlari, shuningdek, oʻlchov birliklari yaratildi.
Qurilish materiallari uchun yangilangan MXIK ro'yxati

Tasnif.soliq.uz veb saytida shaxsiy kabinetdagi interaktiv xizmat orqali soliq toʻlovchilar yangi MXIKni “Tanlangan” toifasiga qoʻshishlari va ularni EHF va onlayn-NKM cheklarini shakllantirishda foydalanishlari mumkin. 

Qurilish materiallarining mavjud umumiy MXIKlari xatlovdan oʻtkaziladi va keyinchalik bosqichma-bosqich nofaol holatga oʻtkaziladi.

Shu sababli, soliq toʻlovchilarga qurilish materiallari uchun hozirda qoʻllaniladigan umumiy kodlarni koʻrib chiqish va ularni yangilariga almashtirish tavsiya etiladi.

Savol va takliflar uchun Katalog operatoriga 71-202-32-32 telefon raqami orqali murojaat qilish mumkin.