Oʻzbekiston Respublikasi Prezidentining “Faktoring xizmatlari bozorini jadal rivojlantirish chora-tadbirlari toʻgʻrisida”gi Farmoniga muvofiq  faktoring xizmatlari elektron platformasi joriy etiladi. 

Soliq qo‘mitasiga “Elektron hukumat” tizimining idoralararo integratsiyalashuv platformasi orqali ushbu platformaga integratsiya qilish va axborot almashinuvi yo‘lga qo‘yish vazifasi topshirildi:   
🔹elektron hisobvaraq-fakturalar ma'lumotlar bazasi; 
🔹elektron tovar-transport yuk xati tizimi;
🔹elektron soliq hisobotlari ma'lumotlar bazasi (yuridik shaxslarning moliyaviy hisobotlarini olish imkoniyati bilan).

Bu pul talabnomalarining haqiqiyligini tekshirish, ularni roʻyxatdan oʻtkazish, qarzdorning toʻlovga qobiliyatliligini baholash va faktoring, jumladan, xalqaro faktoringni amalga oshirish imkoniyatlarini beradi. 

2025-yil 1-yanvardan boshlab eksport kontrakti bo‘yicha debitor qarzdorlikni sotib olish to‘g‘risidagi shartnoma asosida eksport qiluvchining norezidentga (qarzdorga) nisbatan eksport shartnomasidan kelib chiqadigan xorijiy valyutadagi pul talablari evaziga rezident bo‘lgan moliya agenti tomonidan milliy valyutada pul mablag‘lari berilganda, eksport qiluvchilar uchun nazarda tutilgan soliq imtiyozlarining amaldagi tartibi saqlab qolinadi.

👉PF-109, 12-avgust 2024-yil