Suv resurslaridan foydalanganlik uchun soliqni "Soliq" mobil ilovasida uydan chiqmasdan to'lang

Dehqon xo‘jaliklari hamda tegishli yer uchastkalariga ega jismoniy shaxslar joriy yilning 1-mayiga qadar suv resurslaridan foydalanganlik uchun soliqni to‘lashlari shart. Soliq majburiyatini "Soliq" mobil ilovasi orqali oson bajaring.

To‘lovni amalga oshirish uchun "Soliq to‘lovlari" yangi xizmatiga kirib:
- JShShIR kiritiladi;
- soliq turi qatoridan "Suvdan foydalanganlik uchun soliq" tanlanadi;
- tegishli viloyat va tuman belgilanadi;
- obyektning kadastr raqami kiritiladi.

Ma'lumotlar to‘g‘ri kiritilganda obyekt manzili va hisoblangan soliq summasi avtomatik ravishda shakllantiriladi.

Suv resurslaridan foydalanganlik uchun soliqni quyidagi mulklarga ega jismoniy shaxslar ham to‘lashi mumkin:

– qishloq xo‘jaligi yer uchastkalari;
– tadbirkorlik yoki daromad olish uchun mo‘ljallangan noturar joy obyektlari.

To‘lovning kechiktirilishi qonunchilikda belgilangan tartibda penya hisoblanishiga sabab bo‘lishi mumkin.