Bugun Samarqand shahrida Amir Temur tavalludining 690 yilligi munosabati bilan o‘tkazilayotgan ilmiy-amaliy konferensiyaning birinchi ish kuni boshlandi.
2026-04-01 17:00:00 / Qo'mita yangiliklari
Bugun Samarqand shahrida Amir Temur tavalludining 690 yilligi munosabati bilan o‘tkazilayotgan ilmiy-amaliy konferensiyaning birinchi ish kuni boshlandi.
Oʻzbekiston Respublikasi Soliq qoʻmitasi tashabbusi bilan tashkil etilgan mazkur anjumanning asosiy maqsadi Amir Temurning tarixiy merosini chuqur oʻrganish, Temuriylar davridagi davlat boshqaruvi va soliq tizimini tahlil qilish hamda uni zamonaviy islohotlar jarayoniga tatbiq etishdan iborat.
Konferensiyaning ilk kuni Go‘ri Amir maqbarasi hududidan boshlandi. Bu yerda ishtirokchilar uchun dolzarb mavzularda maʼruzalar qilinib, shuningdek Amir Temur siymosini yorqin namoyon etuvchi teatrlashtirilgan chiqishlar namoyish etildi.
Tadbir davomida Temuriylar davridagi adolatli soliq siyosati, davlat boshqaruvida kadrlarni tanlash va samarali joylashtirish tamoyillari, ularning bugungi kundagi ahamiyati yuzasidan fikr almashilmoqda.