Chakana savdo va umumiy ovqatlanish xizmatlarini koʻrsatuvchi tadbirkorlik subyektlari tomonidan foydalanilayotgan avtomatlashtirilgan hisobga olish oʻlchov vositalari (axborot tizimlari, dasturiy mahsulotlari) majburiy ravishda soliq organlarining axborot tizimlari bilan integratsiya qilinishi va Davlat reyestriga kiritilishi lozim.

Integratsiya qilish va davlat reyestriga kiritish quyidagi bosqichlarda amalga oshiriladi:

• Hisobga olish dasturlari ishlab chiqaruvchisi integratsiya boʻyicha Fiskal maʼlumotlar operatori (FMO)ga ariza bilan murojaat qiladi;
• Arizaga asosan FMO hamda ishlab chiqaruvchi oʻrtasida shartnoma imzolanib integratsiya amalga oshiriladi hamda qaror (VMQ-943 (https://lex.uz/docs/-4603329)) talablariga muvofiqlashtiradi;
• Ishlab chiqaruvchi integratsiya yakuni boʻyicha xulosa olish uchun ariza bilan FMOga murojaat qiladi;
• Integratsiya belgilangan talablarga muvofiq amalga oshirilganda ijobiy xulosa taqdim etiladi.

Shundan soʻng ishlab chiqaruvchi tomonidan quyidagi hujjatlar Soliq qoʻmitasiga taqdim qilinadi:

• Hisobga olish dasturining etalon namunasi;
• Dasturning muvofiqlik sertifikati;
• Davlat reyestriga kiritish boʻyicha ariza;
• Shakllantirilgan chek namunasi;
• Dasturning texnik pasporti;
• Foydalanish hujjatlari (foydalanuvchi uchun qoʻllanma, va soliq inspektori yoʻriqnomasi);
• Ariza beruvchining ehtiyot qismlar bilan taʼminlash toʻgʻrisida kafolat xati;
• "Kiberxavfsizlik markazi" DUK xulosasi;
• FMO xulosasi;
• Dasturning  mualliflik huquqi (patent).

Vakolatli organ tomonidan hujjatlar o‘rganiladi, kamchiliklar aniqlanmasa reyestrga kiritish boʻyicha qaror qabul qilinadi. Shundan so‘ng  FMO tomonidan dasturning zavod yoki seriya raqamlari Davlat reyestriga kiritiladi. (Kamchiliklar aniqlanganda rad qilinadi, ishlab chiqaruvchi xatolarni to‘g‘rilab qayta murojaat qilishi mumkin).

Dastur bilan bir qatorda dasturga texnik xizmat koʻrsatuvchi markaz (TXKM) ham davlat reyestriga kiritilishi zarur. Buning uchun Soliq qo‘mitasiga Davlat reyestriga kiritish boʻyicha ariza va  quyidagi hujjatlar yuboriladi:

•  Ishlab chiqaruvchi yoxud uning vakolatli vakili bilan tuzilgan shartnoma nusxasi;
• TXKMning faoliyat yuritish joyi boʻyicha koʻchmas mulkka yoki undan foydalanishga boʻlgan huquqni tasdiqlovchi hujjat(lar);
• “Call-markaz”ga ega ekanligi toʻgʻrisida maʼlumot;
• Dasturga xizmat koʻrsatish boʻyicha malaka sertifikatiga ega boʻlgan mutaxassis(lar) toʻgʻrisida maʼlumot.

Shundan soʻng TXKM va FMO oʻrtasida fiskal modul bilan taʼminlash toʻgʻrisida shartnoma imzolanadi. TXKM malakali mutaxassisi FMO axborot tizimiga kiritiladi va unga foydalanishga ruxsat beradi, shuningdek, TXKM soʻroviga asosan FMO fiskal modul bilan taʼminlaydi.

Integratsiya qilish uchun FMOga xatlar info@yt.uz manzili orqali yuboriladi.
Xat namunalari