Hisob-kitoblar naqdsiz amalga oshirilishi tushuntirildi
2026-03-13 14:05:00 / Qo'mita yangiliklari
Hisob-kitoblar naqdsiz amalga oshirilishi tushuntirildi
Xorazm viloyati soliq boshqarmasi boshlig‘i Shuhrat Saidov Urganch shahridagi neft-gaz mahsulotlari hamda alkogol va tamaki savdosi bilan shug‘ullanuvchi tadbirkorlar bilan uchrashuv o‘tkazdi.
Unda Prezidentimizning 2025-yil 10-dekabrdagi 246-son Farmoni mazmuni tushuntirildi. Farmon naqdsiz to‘lovlarni kengaytirish, yashirin iqtisodiyotni qisqartirish va biznesda shaffoflikni ta’minlashga qaratilgan.
2026-yil 1-apreldan boshlab ayrim to‘lovlar – davlat xizmatlari, kommunal to‘lovlar, alkogol va tamaki mahsulotlari, yoqilg‘i xaridi, 25 mln so‘mdan ortiq tovar va xizmatlar hamda ayrim transport va ko‘chmas mulk oldi-sotdisi faqat bank kartasi yoki elektron to‘lov tizimlari orqali amalga oshiriladi.