Qoraqalpog‘iston Respublikasida – soliqdan qarzdor korxonalarga tizimli choralar ko‘rilmoqda
2026-03-13 14:35:00 / Qo'mita yangiliklari
Qoraqalpog‘iston Respublikasida soliqdan qarzdor korxonalarga tizimli choralar ko‘rilmoqda
Soliqlarni o‘z vaqtida to‘lash – nafaqat qonuniy majburiyat, balki mamlakat iqtisodiy taraqqiyoti va jamiyat farovonligiga qo‘shiladigan muhim hissadir. Soliq majburiyatlarini o‘z vaqtida bajarmaslik esa tadbirkorlik faoliyatida turli cheklovlar va noqulayliklarga sabab bo‘lishi mumkin.
Qoraqalpog‘iston Respublikasida soliq qarzdorligini qisqartirish, soliq intizomini mustahkamlash hamda tadbirkorlar bilan manzilli ishlash bo‘yicha tizimli choralar ko‘rilmoqda.
Bugungi kunda Qoraqalpog‘iston Respublikasi soliq xizmati organlari va Majburiy ijro byurosi hamda Yoʻl harakati xavfsizligi boshqarmasi hamkorligida qarzdor korxonalarning mol-mulklarini xatlash ishlari olib borilmoqda.
Jumladan:
- "Beruniy Yog‘gar " MCHJ - soliq qarzi 1,3 mlrd soʻm.
Xatlangan avtotransport: Kamaz
- "Juldiz" F/X - soliq qarzi 65 mln soʻm.
Xatlangan avtotransport: Volkswagen
- "BAXTIYAR RAXAT" F/X - soliq qarzi 177 mln soʻm.
Xatlangan avtotransport: Volkswagen.
- “Miyirbek Atabek" F/X - soliq qarzi 80 mln soʻm.
Xatlangan avtotransport: Volkswagen.
Hududiy soliq organlari tomonidan qarzdorlikni qisqartirish, mavjud muammolarni joyiga chiqqan holda o‘rganish hamda soliq to‘lovchilarga amaliy ko‘mak ko‘rsatish ishlari izchil olib borilmoqda.
Mazkur tadbirlar soliq qonunchiligiga rioya etilishini ta’minlash, davlat budjetiga tushumlarni barqaror oshirish hamda hudud iqtisodiyotini rivojlantirishga xizmat qilmoqda.