Ramazon oyi munosabati bilan narxlar barqarorligini ta’minlash yuzasidan targ‘ibot tadbirlari

Joriy yil 16-fevral kuni Prezidentimiz tomonidan o‘tkazilgan yig‘ilishda muborak Ramazon oyi arafasida ichki bozorlarda narx-navoni barqarorlashtirish, aholini, ayniqsa ehtiyojmand qatlamni arzon va sifatli oziq-ovqat mahsulotlari bilan ta’minlash masalalari ustuvor vazifa sifatida belgilanishi ta'kidlangan edi.

Mazkur topshiriqlar ijrosini ta’minlash maqsadida Toshkent shahar soliq boshqarmasi mas'ul rahbarlari tomonidan poytaxtimizdagi “Qo‘yliq dehqon bozori", “Sergeli dehqon bozori” va "Chilonzor dehqon bozor"lari hududida o‘rganish va targ‘ibot tadbirlari o‘tkazildi.

Bozor hududida narx-navolarning sun’iy oshib ketishining oldini olish, savdo jarayonlarida qonuniylikni ta’minlash hamda aholiga qulay sharoit yaratish masalalariga alohida e’tibor qaratildi. Sotuvchi va tadbirkorlar bilan bilan ochiq muloqotlar o‘tkazilib, narx siyosatiga rioya etish va asossiz oshirishlarga yo‘l qo‘ymaslik yuzasidan tushuntirish ishlari olib borildi. 

Soliq qoʻmitasi Matbuot xizmati