Soliq qarzdorligi soliq toʻlovchining debitor qarzdorlari hisobidan soliq organlari tomonidan undirilishi mumkin
2026-02-11 18:20:00 / Qo'mita yangiliklari
Soliq qarzdorligi soliq toʻlovchining debitor qarzdorlari hisobidan soliq organlari tomonidan undirilishi mumkin
Soliq kodeksiga 121¹-modda kiritildi, unga koʻra soliq toʻlovchi soliq qarzdorligini oʻzining debitorlik qarzi hisobidan undirish toʻgʻrisida soliq organiga murojaat qilish huquqiga ega.
Soliq qarzdorligi mavjud boʻlgan yuridik shaxslar va yakka tartibdagi tadbirkorlar hisobda turgan (roʻyxatdan oʻtgan) joyidagi soliq organiga tegishli ariza bilan murojaat qilish huquqiga ega.
Murojaat uchun quyidagilar asos boʻladi:
- debitor bilan imzolangan va kelishilgan oʻzaro hisob-kitoblar boʻyicha ikki tomonlama solishtirma dalolatnoma;
- yoki bir tomonlama rasmiylashtirilgan solishtirma dalolatnoma hamda qarz summasini tasdiqlovchi birlamchi buxgalteriya hujjatlari.
Eslatib o‘tamiz: soliq qarzini debitorlik qarzi hisobidan undirish toʻgʻrisida murojaat qilish soliq toʻlovchini qarz toʻliq qoplangunga qadar soliqlarni toʻlash majburiyatidan ozod etmaydi.
Soliq qarzini undirishni tashkil qilish departamenti