Adolatli raqobat sari qadam: Samarqandda yashirin iqtisodiyot qisqartirilmoqda
2026-02-09 21:45:00 / Qo'mita yangiliklari
Adolatli raqobat sari qadam: Samarqandda yashirin iqtisodiyot qisqartirilmoqda
O‘zbekiston Respublikasi Prezidenti rahbarligida joriy yil 27-yanvar kuni o‘tkazilgan selektor yig‘ilishida yashirin iqtisodiyotni qisqartirish masalasiga alohida e’tibor qaratildi.
Xususan, bozorlar va savdo majmualarida:
soliqlarni to‘liq to‘lamaslik,
tovar aylanmalarini hisobotlarda to‘liq aks ettirmaslik,
naqd pul aylanmasining ortishi,
soliqdan qochish holatlari mavjudligi tanqid qilindi.
Shu asosda soliq organlariga aniq vazifalar belgilandi.
Viloyatdagi yirik savdo maskanlaridan biri – URGUT SAVDO KOMPLEKSI hududida xatlov ishlari tashkil etildi.
Jami 39 nafar xodim (35 nafar inspeksiya, 4 nafar boshqarma) jalb qilindi.
- Dastlabki tekshiruvlarda aniqlangan holatlar:
- ONKM va to‘lov terminalisiz faoliyat – 71 ta
- QR-kodsiz savdo – 44 ta
- Ijara shartnomasiz ishlash – 82 ta
- Davlat ro‘yxatisiz faoliyat – 114 ta
- Norasmiy ishchilar – 57 ta
Ko‘rilgan choralar natijasida:
- 71 ta obyekt terminallar bilan jihozlandi
- 44 ta obyekt QR-kodga ulandi
- 45 ta ijara shartnomasi rasmiylashtirildi
- 114 nafar fuqaro davlat ro‘yxatidan o‘tkazildi
- 50 nafar ishchining faoliyati qonuniylashtirildi
Mavjud kamchiliklar bosqichma-bosqich bartaraf etildi.
Tahlil natijalariga ko‘ra 251,5 mln so‘m miqdorida soliqlar to‘lanmasdan qolganligi aniqlanib, hozirda mazkur holat yuzasidan soliq auditi o‘tkazilmoqda.
Yashirin iqtisodiyotga qarshi kurash — iqtisodiy barqarorlik va adolatli raqobat garovidir. Bu yo‘nalishdagi ishlar izchil davom ettirilmoqda.