Urganch tadbirkorlar uchun ochiq muloqot maydoniga aylandi
2026-02-04 10:45:00 / Qo'mita yangiliklari
Urganch tadbirkorlar uchun ochiq muloqot maydoniga aylandi
“Soliq forumi – 2026” – bu ishonch, ochiqlik va o‘zaro hamkorlikni mustahkamlovchi muhim uchrashuv.
Urganch shahrida tashkil etilgan mazkur biznes muloqotda 500 nafardan ortiq tadbirkorlar, hisobchilar hamda yirik soliq to‘lovchilar, faol yoshlar ishtirok etib, joriy yil soliq qonunchiligiga kiritilgan 110 dan ortiq yangilik va o‘zgartishlar xususida batafsil so‘z yuritildi.
Soliq ma’murchiligini soddalashtirish, yashirin iqtisodiyotning oldini olish, shaffoflik, ixtiyoriy soliq to‘lashni rag‘batlantirish. Forumda shu va boshqa muhim o‘zgarishlarga oddiy va tushunarli tarzda izoh berildi.
Tadbir yakunida 10 nafardan ortiq namunaviy soliq to‘lovchilar e’tirof etilib, Soliq qo‘mitasi Raisining tashakkurnomalari va esdalik sovg‘alari topshirildi.