"Soliq bilimlari – yosh avlodga" koʻrik-tanlovining birinchi bosqichi Samarqand viloyatida
2026-01-30 15:25:00 / Qo'mita yangiliklari
Soliq bilimlari – yosh avlodga
Soliq qoʻmitasi tashabbusi bilan yoshlarning iqtisodiy savodxonligini oshirish, soliq madaniyatini yuksaltirish maqsadida Maktabgacha va maktab taʼlimi vazirligi hamda Yoshlar ishlari agentligi hamkorligida umumtaʼlim maktablari oʻquvchilari oʻrtasida "Soliq bilimlari – yosh avlodga" koʻrik-tanlovining birinchi bosqichi Samarqand viloyatining barcha umumta’lim maktablarida bo‘lib o‘tmoqda.
Ko‘rik-tanlov “Soliqlar mavzusining suratlardagi tasviri” – eng yaxshi rasm (5–7-sinflar uchun), “Soliq: kecha, bugun, ertaga” mavzusidagi eng yaxshi insho (8–9-sinflar uchun), “Soliqlar nimaga toʻlanadi va nimalarga sarflanadi?” mavzusidagi eng yaxshi videorolik yoki reels (umumta’lim maktablarining 10–11-sinf oʻquvchilari uchun) kabi 3 ta yo‘nalishda tashkil etilgan.
Samarqand shahridagi 42-umumta'lim maktabida bo'lib o'tayotgan 1-bosqichda viloyat soliq boshqarmasi xodimlari ishtirok etib, o'quvchilarga soliq bo'yicha batafsil tushuncha berishdi.
Fevral oyida koʻrik-tanlovning tuman (shahar) bosqichi 1-10-fevral hamda viloyat bosqichi 10-20-fevral kunlari bo‘lib o‘tadi.
Hududlardan saralangan eng yaxshi ijodiy ishlar mamlakat bosqichida malakali ekspertlar tomonidan baholanadi.
Tanlov gʻoliblari Soliq qoʻmitasi Raisining diplom hamda esdalik sovgʻalari bilan taqdirlanadi.