EHFda aksiz soligʻi stavkasi va summasi koʻrsatilishi shart
2025-12-29 08:10:00 / Qo'mita yangiliklari
Soliq organlari tomonidan benzin, dizel yoqilgʻisi va gazni yakuniy isteʼmolchilarga realizatsiya qilinganda aksiz soligʻi toʻgʻri hisoblanishi oʻrganildi.
Natijada, ayrim soliq toʻlovchilar tomonidan benzin, dizel yoqilgʻisi va gazni yakuniy isteʼmolchilarga aksiz soligʻisiz realizatsiya qilinganlik holatlari aniqlandi.
Aksiz soligʻini toʻlovchilar deb, benzin, dizel yoqilgʻisini yakuniy isteʼmolchilarga realizatsiya qilishni, shu jumladan avtomobillarga yoqilgʻi quyish shoxobchalari orqali, shuningdek gazni gaz toʻldirish stansiyalari va gaz toʻldirish punktlari orqali realizatsiya qilishni amalga oshiruvchi shaxslar hisoblanadi.
Soliq kodeksi 283-modda
Aksiz soligʻi toʻlovchilari benzin, dizel yoqilgʻisini va gazni yakuniy iste’molchilarga realizatsiya qilganda hisobvaraq-fakturada aksiz soligʻi stavkasi va aksiz soligʻi summasini koʻrsatishlari shartligi eslatib oʻtiladi.
VMQ–489-son, 14.08.2020-y.
QQS ma'muriyatchiligi departamenti