Yil boshidan buyon Tax Free tizimi orqali xorijiy xaridorlarga qariyb 5 milliard so‘m mablag‘ qaytarildi
2025-12-24 19:35:00 / Qo'mita yangiliklari
Chet davlat fuqarolariga Oʻzbekiston hududida QQS summasini qaytarish tartibi 2023-yilda joriy etilgan bo‘lib, bugungi kunda ham amal qilib kelmoqda.
Tax Free (QQS) summasi qaytarish ko‘rsatkichlari:
2023-yilda - 421 chet el fuqarolari 138,4 mln so'm
2024-yilda - 1 458 chet el fuqarolari 633,2 mln so'm
2025-yilda - 2 352 chet el fuqarolari 4,8 mlrd so'm (31-oktabr holatiga).
Tax Free tizimida sotib olingan mahsulotlar:
- kiyim va kiyim aksessuarlari;
- poyabzal;
- parfyumeriya, kosmetika va pardoz buyumlari;
- soatlar.
QQS (Tax Free) qaytarilishi bo‘yicha TOP-3 shaharlar:
- Toshkent;
- Samarqand;
- Buxoro.
Tax Freedan qanday foydalanish mumkin?
Buning uchun chet davlat fuqarosi “Soliq” mobil ilovasida roʻyxatdan o‘tib xaridlari boʻyicha taqdim etilgan onlayn-NKT fiskal cheklarini skanerlashi kifoya. “Tax free” summasini hisoblash, uni chet davlat fuqarosining bank plastik kartasiga yoki bank hisobvaragʻiga oʻtkazib berish jarayonini “Soliq” mobil ilovasi orqali onlayn rejimda kuzatib borishi mumkin.
“Tax free” summasi chet davlat fuqarosining respublika hududidan chiqib ketish holati tasdiqlangan soʻng, tax free tizimida ro'yhatdan o'tgan oydan keyingi oyning 25-kunidan keyin qaytariladi.