Tadbirkorlik subyektlariga berilgan subsidiyalar, imtiyozlar va preferensiyalardan foydalanish samaradorligi baholanadi
2025-12-16 11:00:00 / Qo'mita yangiliklari
Oʻzbekiston Respublikasi Vazirlar Mahkamasining “Tadbirkorlik subyektlariga taqdim etilgan subsidiyalar, imtiyozlar va preferensiyalardan foydalanish samaradorligini yanada oshirish chora-tadbirlari to‘g‘risida”gi qarori qabul qilindi.
Qaror bilan tasdiqlangan Nizomga muvofiq, tadbirkorlik subyektlariga subsidiyalar, imtiyozlar va preferensiyalar taqdim etish jarayonini tizimli monitoring qilish, ulardan foydalanish samaradorligini baholash hamda maqsadsiz ishlatilgan subsidiya mablag‘larini qaytarib olish tartibi belgilandi.
Bunda tadbirkorlik subyektlarini qoʻllab-quvvatlash choralarini koʻrsatishga asos boʻladigan hujjatlarning toʻgʻri va haqqoniyligi, shu jumladan soliq va bojxona imtiyozlarini berish uchun asos hisoblanadigan litsenziya, guvohnoma va boshqa hujjatlarning ishonchliligi Soliq qoʻmitasi hamda Bojxona qoʻmitasi oʻrtasidagi idoralararo axborot almashinuvi orqali tasdiqlanadi.
Nizomda, shuningdek, subsidiyalar, imtiyozlar va preferensiyalarni qoʻllash samaradorligini baholash mezonlari ishlab chiqilgan boʻlib, ulardan biri sifatida davlat budjetiga tushayotgan soliq va bojxona toʻlovlari hajmining oshishi belgilangan.