Qo‘l uzat — hayotni qutqar
2025-12-01 08:10:00 / Qo'mita yangiliklari
1 dekabr – Butunjahon OITSga qarshi kurash kuni.
Shu bois, jamoatchilikni OITSdan himoya qilish, kasallik haqida to‘g‘ri ma’lumot berish va stigmani kamaytirish borasida umumiy sa’y-harakatlarimiz muhim ahamiyatga ega.
Shu bilan birga, har bir insonning o‘z salomatligi uchun mas’uliyatli bo‘lishi, xavf omillarini bilishi va o‘zini hamda atrofidagilarni asrashga qaratilgan amaliy qadamlar qo‘yishi juda muhim. VICH infeksiyasini erta aniqlash, profilaktik tekshiruvlardan muntazam o‘tish va zamonaviy davolash usullaridan foydalanish kasallikni nazorat ostida ushlashga imkon beradi.
Bugungi kunda VICH bilan yashovchi insonlar to‘liq hayot kechirishlari mumkin. Ularga nisbatan hurmat va qo‘llab-quvvatlash jamiyatning madaniyati va insoniylik darajasini ko‘rsatadi. OITSga qarshi kurash faqat tibbiy yo‘nalish emas — u har birimizning bilimli, ogoh va mehribon bo‘lishimizga bog‘liqdir.