Qo‘qon shahridagi “Nurafshon” mahallasida ma’muriy va jinoyat ishlari bo‘yicha Qo‘qon tumanlararo sudlarining sayyor majlislari o‘tkazildi
2025-10-08 20:05:00 / Yangiliklar
Xususan, "Nurafshon" mahallasida o‘tkazilgan sayyor majlislarda ham mahalla aholisi, huquqni muhofaza qilish idoralari mutasaddilari ishtirokida fuqarolik va jinoyat ishlari, probatsiya nazoratida turgan fuqarolar ustidan kiritilgan shikoyatlar ko‘rib chiqildi.
Sud majlislaridan so‘ng aholi bilan bo‘lib o‘tgan muloqot chog‘ida Farg‘ona viloyati ichki ishlar boshqarmasi boshligi, general-mayor Azizbek Ikramov, Qo‘qon shahar hokimi Marufjon Usmonov, Qo‘qon shahridagi Farg‘ona viloyati ikkinchi sonli narkologiya dispanseri bosh shifokori Alisher Tursunovlar jinoyatga jazo muqarrarligi, giyohvandlikning salbiy oqibatlari va undan qutulish uchun mavjud imkoniyatlar, giyohvand moddalar savdosi uchun qonunda belgilangan qat’iy choralar xususida ma’lumot berib, fuqarolarni qiziqtirgan savollariga javob berdilar.