Farg’оnа vilоyati Qo’qon shahar hоkimligi

Taqdirlash marosimida Turon fanlar akademiyasi Prezidenti Haydarbek Bobobekov ham Festivalni yuqori saviyada o‘tkazish bo‘yicha amalga oshirilgan ishlarga yuksak baho berib, Qo‘qon shahar hokimi Marufjon Usmonovga festivalni tashkil etishda ko‘rsatgan fidoiyligi uchun Turon fanlar akademiyasining oltin medali bilan taqdirladi.

Shungingdek Turon fanlar akademiyasi faxriy unvon va darajalari Respublika "Hunarmand" uyushmasi raisi Rasuljon Mirzaahmedov hamda boshqa mas’ul rahbarlar va faxriylarga ham topshirildi.

Festivalda faol ishtirok etgan hunarmandlar, mahalla tizimi mutasaddilari, korxona, idora va tashkilotlar mutasaddilari ham alohida e’tirofga sazovor bo‘ldilar. Ularga "Vatan iftixori", "Eng yaxshi xizmatlari uchun" "Fidoiy vatanparvar" va "Yoshlarni Vatanparvarlik ruhida tarbiyalash uchun" ko‘krak nishonlari tantanali ravishda topshirildi.

Tantanali tadbirda festivalda xizmat ko‘rsatgan ta’lim muassasalari rahbarlari, tibbiyot sohasi fidoiylari, kommunal idoralar, madaniyat va san’at sohasi, muzeylar, tadbirkorlik subyektlari, dizaynerlar, volonterlar hamda ommaviy axborot vositalari ham e’tirof etilib, Qo‘qon shahar hokimining Tashakkurnomalari va esdalik sovg‘alari bilan mukofotlandilar.