Qo‘qon shahrida mehmonxona biznesi sohasida 10 million dollar qiymatidagi yangi loyiha ishga tushadi
2026-09-17 15:05:00 / Yangiliklar
Qo‘qon shahar hokimi aholini kambag‘allikdan chiqarish va yangi ish o‘rinlarini yaratish maqsadida mahallalarda amalga oshirilayotgan chora-tadbirlar doirasida "Qalandarxona" mahallasida barpo etilayotgan besh yulduzli mehmonxonada olib borilayotgan qurilish ishlari va mavjud muammo-masalalarni o‘rgandi.
Mehmonxonada 83 ta xona, restoran, nonushta zali, sport zali, basseyn, SPA majmuasi, go‘zallik saloni, dorixona hamda 300 kishiga mo‘ljallangan ochiq marosimlar maydoni tashkil etiladi. Bundan tashqari, barpo etilayotgan alohida binoda sog‘lomlashtirish va dam olish maskani ham tashkil etilishi rejalashtirilgan. Bu yerda 150 kishi doimiy ish o‘rinlari bilan ta’minlanadi.