Qo‘qon shahridagi ixtisoslashtirilgan san’at maktabida yangi ko‘rgazmalar galereyasi o‘z faoliyatini boshladi
2026-09-15 14:10:00 / Yangiliklar
Tadbir oldidan maktabning Xalq cholg‘ulari kafedrasi orkestri jamoasi ishtirokida konsert namoyish etilib, tomoshabinlarga ko‘tarinki kayfiyat bag‘ishlandi.
Yaqindagina shahrimizning O‘rda maydonida Mustaqilligimizning 35 yilligi munosabati bilan o‘tkazilgan tantanali tadbirlar doirasida “Yangi O‘zbekiston — ezgu maqsad, yangi harakat!” shiori ostida “Mohir fortepianochi” tanlovi g‘oliblari ishtirokida gala-konsert bo‘lib o‘tgan edi.
E’tiborlisi, mazkur konsertda sahnada foydalanilgan fortepiano Qo‘qon shahridagi ixtisoslashtirilgan san’at maktabiga sovg‘a qilindi.
Maktabda fortepianoga ehtiyoj mavjud bo‘lib, yangi faollar zali ham tashkil etildi. Konsertda foydalanilgan mazkur fortepiano ushbu zalga o‘rnatildi. Yangi faollar zali konsertdan olingan fotosuratlar bilan bezatilib, o‘quvchilar va ijodkorlar uchun yanada fayzli va zamonaviy muhit yaratildi.
Yangi galereya va faollar zali yosh ijodkorlarning iste’dodini namoyon etishi, turli madaniy tadbirlar va konsertlarni o‘tkazishi uchun qo‘shimcha imkoniyat yaratadi.
Ko‘rgazmalar galereyasining tantanali ochilish marosimida mamlakatimizda Prezidentimiz tomonidan madaniyat va san’atni rivojlantirishga qaratilayotgan yuksak e’tibor e’tirof etildi.