Mustaqillik bayrami arafasida aholi dasturxoniga sifatli va hamyonbop mahsulotlar!
2026-08-24 15:10:00 / Yangiliklar
Qo‘qon dehqon bozorida arzonlashtirilgan oziq-ovqat mahsulotlari yarmarkasi faoliyat olib bormoqda.
Yarmarkada aholi uchun kundalik ehtiyojdagi oziq-ovqat mahsulotlari bozor narxlariga nisbatan arzon narxlarda taklif etilmoqda.
Xususan, go‘sht, un, yog‘, guruch, shakar, sabzavot va boshqa turdagi mahsulotlarni qulay narxlarda xarid qilish imkoniyati yaratilgan.
Mazkur yarmarkadan ko‘zlangan asosiy maqsad — bayram arafasida aholini sifatli va hamyonbop oziq-ovqat mahsulotlari bilan ta’minlash, ichki bozorda narx-navoning barqarorligini saqlash hamda fuqarolar uchun qulaylik yaratishdan iborat.
Ayniqsa, Mustaqillik bayrami arafasida aholining dasturxonini to‘kin-sochin qilish, bayramni ko‘tarinki kayfiyatda nishonlashlari uchun zarur sharoitlar yaratilmoqda.