Qo‘qon shahrida tadbirkorlar va biznes uchun yanada qulay shart-sharoitlar yaratiladi
2026-08-12 13:25:00 / Yangiliklar
Qo‘qon shahar hokimi kun tartibidagi masalalarga aloqador mutasaddilar bilan muloqot qilib, shahrimizda tadbirkorlik muhitini yanada yaxshilash, biznes subyektlari muammolarini tezkorlik bilan o‘rganish va hal etish, xususan, xorijdan keltirilgan uskunalarni bojxonadan tezkorlik bilan olib o‘tilishini ta’minlash yuzasidan vazifalar belgilab berdi.
Marufjon Usmonov infratuzilma, tabiiy gaz, ichimlik va oqova tarmoqlari, elektr energiyasi ta’minoti masalalariga ham e’tibor qaratib, mas’ullarga tadbirkorlar va fuqarolar to‘lovlarni o‘z vaqtida amalga oshirishi uchun shart-sharoit yaratish, tizimda aloqaga chiqmayotgan hisoblagichlarning batareyalarini almashtirishni yanada jadallashtirish, tizimlarda energiya yo‘qotishlarining oldini olish bo‘yicha ham ko‘rsatmalar berdi.